Uppselt á leik Íslands og Króatíu

Uppselt er á leik Íslands og Króatíu þann 15. nóvember sem fram fer á Laugardalsvellinum.

Um er að ræða stærsta knattspyrnuleik í sögu karlalandsliðs Íslands en liðið mætir Króötum tvívegis 15. og 19. nóvember í umspili um sæti á heimsmeistaramótinu í Brasilíu sem fram fer næsta sumar.

Síðari leikurinn fer fram í Króatíu en íslenska landsliðið hefur aldrei átt eins góða möguleika á því að komast á stórmót.

Miðasalan hófst rétt eftir fjögur í nótt og varð orðið uppselt fyrir klukkan átta í morgun.