Þær höfðu vit á að fá Loga

„Hlaupabókin okkar Karenar er loksins komin út. Við héldum útgáfuboð síðastliðinn föstudag og það var fullt út úr dyrum af hlaupurum," svarar Elísabet Margeirsdóttir sem fagnaði útgáfu bókarinnar Út að hlaupa sem hún skrifaði ásamt Karen Kjartansdóttur spurð um útgáfuteitið.

„Þetta fer gríðarlega vel af stað og gaman að heyra hversu margir eru ánægðir með að svona bók sé loksins komin út því hún er ekki bara skrifuð fyrir „hlaupara" heldur líka fólki sem er ekki byrjað."

Eins og sjá má á myndunum mætti enginn annar en sjónvarpsmaðurinn Logi Bergmann á staðinn og sagði brandara eins og honum einum er lagið.