Lorde dregur ekkert úr gagnrýni sinni á Selenu Gomez

Tónlistarkonan Lorde hafði orð á því í viðtali við Rolling Stone fyrr í vetur að smellur söngkonunnar Selenu Gomez, Come and Get it, dragi upp neikvæða mynd af konum. Hún sagðist leið á orðræðunni um konur í poppmúsík. 

Ekki voru allir á eitt sáttir eftir að Lorde lét ummælin falla.

Í viðtali við MTV fyrr í þessum mánuði dró Lorde hinsvegar hvergi úr því sem hún sagði í Rolling-Stone viðtalinu.

„Það er skrítið hvernig þessi bransi hefur þróast. Ef maður hefur skoðun á einhverju í músík sem er ekki hundrað prósent jákvæð, þá er maður stimplaður sem einhver óvildarmaður, þótt að gagnrýni manns byggist á fínum rökum,“ segir Lorde. 

Hér að neðan er hægt að sjá Selenu Gomez flytja Come and Get it.