Stefna á hallalaus fjárlög

Höskuldur Kári Schram skrifar 1. október 2013 16:00

Gert er ráð fyrir því að ríkissjóður skili tæplega 500 milljón króna afgangi á næsta ári miðað við fjárlagafrumvarp ríkisstjórnarinnar sem var kynnt í morgun. Þetta eru fyrstu hallalausu fjárlögin frá hruni.

Bjarni Benediktsson, fjármálaráðherra, kynnti í dag fjárlagafrumvarp ríkisstjórnarinnar fyrir árið 2014. Í frumvarpinu er gert ráð fyrir að heildartekjur ríkissjóðs aukist um rúman 31 milljarð á milli ára. Fari úr tæpum 556 milljörðum í rúma 587 milljarða. Á sama tíma er gert ráð fyrir að heildarútgjöld aukist um 300 milljónir og fari úr 586.743 milljörðum í 587.096 milljarða.

Tekjuskattur lækkar

Tekjuskattur á einstaklinga á að skila rúmum 130 milljörðum í ríkiskassann á næsta ári og eykst um 3,6 milljarða milli ára. Tekjuskattur fyrirtækja á að skila 45,6 milljörðum og eykst einnig um 3,6 milljarða frá fyrra ári. Virðisaukaskattur á að skila 156,7 milljörðum á næsta ári og eykst um rúma 9 milljarða milli ára. Ekki er þó gert ráð fyrir hækkun tekjuskatts. Skatthlutfallið í miðþrepi tekjuskattsins verður lækkað um 0,8%, úr 25,8% í 25%. Þá verður farið í endurskoðun á virðisaukaskattskerfinu með það að markmiði að draga úr bili milli skattþrepa, fækka undanþágum og auka skilvirkni. Vörugjöld verða einnig endurskoðuð og tryggingagjaldið verður lækkað um 0,34 prósentustig á næstu þremur árum.

Bankaskattur á þrotabú gömlu bankanna

Sparnaður vegna aðhaldsaðgerða nemur tólf milljörðum. Fallið verður frá nýlegum eða óútfærðum verkefnum fyrir 5,8 milljarða. Veltutengdar aðhaldsaðgerðir ráðuneyta eiga að spara 3,6 milljarða og aðrar sértækar aðgerðir eiga að lækka útgjöld um 2,6 milljarða.

Þá stendur til að endurskoða skilmála skuldabréfs sem var gefið út til að styrkja eiginfjárstöðu Seðlabanka Íslands eftir bankahrun. Sú endurskoðun á að lækka vaxtagreiðslur ríkissjóðs um tæpa 11 milljarða.

Ríkisstjórn hyggst einnig hækka svokallaðan bankaskatt úr 0,041% í 0,145%. Frá og með næstu áramótum mun skatturinn einnig leggjast á þrotabú gömlu bankanna sem mun skila aukalega 11,3 milljörðum í ríkiskassann.

Fram kemur í tilkynningu frá fjármálaráðuneytinu að lykilmarkmið fjárlagafrumvarpsins sé að tryggja bætt lífskjör almennings. Gert sé ráð fyrir því lækkun skatta skili sér í 0,3 prósenta kaupmáttaraukningu á næsta ári .

Hér að ofan má sjá brot frá blaðamannfundi Bjarna Benediktssonar fjármálaráðherra.

Tengdar fréttir

Landspítalinn fær enga innspýtingu - fé til tækjakaupa skorið niður

Tímabundið 600 milljóna króna framlag til spítalans vegna tækjakaupa er fellt niður. Hagræðingarkrafa á spítalann felur í sér hækkun á sértekjum sem verður náð með nýju legugjaldi. Um er að ræða nýtt gjald þar sem sjúklingar greiða 1.200 krónur fyrir hvern sólarhring sem þeir dvelja á Landspítalanum. Með þessu nýja gjaldi er spítalanum reiknaðar um 200 milljónir í sértekjur.

1. október 2013 16:00

Framlög til lista lækka um 346 milljónir

Framlög íslenska ríkisins til lista lækka um 346,6 milljónir króna á milli ára, að frátöldum launa- og verðlagshækkunum.

1. október 2013 16:00

Mikilvægt að stöðva skuldasöfnun ríkissjóðs

Bjarni Benediktsson fjármálaráðherra segir gríðarlega mikilvægt að stefna að hallalausum fjárlögum til að stöðva skuldasöfnun ríkissjóðs. Bankaskatturinn verður notaður til að lækka skatta á fyrirtæki og heimili.

1. október 2013 16:00

Framlög til Kvikmyndamiðstöðvar lækka um 400 milljónir króna

Kvikmyndamiðstöð Íslands fær 735 milljónir króna samkvæmt fjárlagafrumvarpinu en í fjárlögum þessa árs var upphæðin 1,1 milljarður króna.

1. október 2013 15:58

Kaldar kveðjur í fjárlögum

Árni Páll Árnason formaður Samfylkingarinnar segir fjárlögin sýna forgangsröðun nýrrar ríkisstjórnar.

1. október 2013 16:33

Barna- og vaxtabætur lækka

Samkvæmt fjárlagafrumvarpinu er áætlað að barnabætur á næsta ári verði 10.2 milljarðar króna en á í fjárlögum þessa árs voru þær tæpir 10.8 milljarðar króna.

1. október 2013 16:00

Tóbak og áfengi hækka í verði

Tóbaksgjald og gjald á áfengi verður hækkað, samkvæmt lagabreytingu sem verður lögð fyrir Alþingi í næstu viku.

1. október 2013 16:00

Heilbrigðisstofnanir á landsbyggðinni sameinaðar

Kristján Már Júlíusson heilbrigðisráðherra hefur ákveðið að heilbrigðisstofnanir á landsbyggðinni verði sameinaðar. Þetta kemur fram í frumvarpi til fjárlaga fyrir árið 2014. Eftir sameiningu stofnana verður ein stofnun í hverju heilbrigðisumdæmi, eins og lög um heilbrigðisþjónustu gera ráð fyrir. Þetta á við um Norðurland, Suðurland og Vestfirði.

1. október 2013 16:00