Sakar Ólaf Pál um fordóma

Jóhann Laxdal, hægri bakvörður Stjörnunnar, er allt annað en sáttur með framkomu Ólafs Páls Snorrasonar, kantmanns FH-inga í lokaumferðinni í dag.

FH-ingar unnu 4-0 sigur á Garðbæingum og tryggðu sér 2. sætið í deildinni á kostnað Stjörnunnar. Jóhann segir Ólaf Pál hafa kallað Halldór Orra Björnsson, kollega sinn hjá Stjörnunni, albinóa.

Færslu Jóhanns á Twitter má sjá hér að neðan.

Óli Palli frábær manneskja kallandi Halldór albinóa #skitseyði#rasismi#ógeð#KSI

— Johann Laxdal (@JohannLaxdal) September 28, 2013

Nokkur hiti var í mönnum í Kaplakrika í dag og sökuðu stuðningsmenn Stjörnunnar í Silfurskeiðinni Emil Pálsson hjá FH um að hafa gefið þeim fingurinn. Emil baðst afsökunar á Twitter að leik loknum.

Afsökunarbeiðni Emils má sjá hér að neðan.

Vil biðja @Silfurskeidin afsökunar á mjög heimskulegri hegðun af minni hálfu í dag.. flottasta stuðningsmannaliðið á landinu #eftirsjá

— Emil Pálsson (@EmilPals) September 28, 2013