Umferðatafir vegna fjárrekstra

Gera má ráð fyrir umferðartöfum á vegum í uppsveitum Árnessýslu í dag og næstu daga vegna fjárrekstra. Safnið af Hraunamannaafrétti verður rekið í dag eftir Hraunamannavegi frá Tungufelli, yfir Kirkjuskarð og í nýjar réttir sem til stendur að vígja formlega á morgun.

Tímabundnar tafir geta orðið á umferð á Þjórsárdalsvegi í dag frá Búrfelli og niður að Fossnesi vegna fjárreksturs í Skaftholtsréttir. Á morgun verða tafir bæði á Skeiðavegi og Þjóðárdalsvegi vegna fjárrekstra frá Fossnesi og niður í Reykjaréttir en hægt verður að fara hjáleiðir og sæta lagi á með áð er á leiðinni.

Laugardaginn 14. september geta orðið tafir vegna fjárrekstra á Skeiðavegi frá kl. 13:00 og eitthvað fram eftir degi.