Bíll brann til kaldra kola í Árbæ

Slökkviliðið á höfuðborgarsvæðinu var kallað út á ellefta tímanum í morgun vegna bruna í bíl í Árbæ. Eldsupptök eru ókunn. Ökumaður hafði ekið bílnumi nokkur hundruð metra þegar hann fann brunalykt og ákvað að stöðva bílinn. Um leið og bíllinn stöðvaðist þá gaus upp mikill eldur og breiddist eldurinn hratt út.

Ökumaðurinn var fluttur á sjúkrahús til vegna reykeitrunar. Að sögn varðstjóra slökkviliðsins á höfuðborgarsvæðinu þá gekk slökkvistarf greiðlega og ekki mikil hætta á ferðum. Bíllinn er gjörónýttur eftir brunann.