Umfangsmikil kannabisræktun í vesturborginni

Lögreglan á höfuðborgarsvæðinu stöðvaði umfangsmikla kannabisræktun í húsi í vesturborginni í morgun en á staðnum fundust 460 kannabisplöntur og tólf kíló af kannabisefnum sem verið var að undirbúa til sölu.

Í tilkynningu frá lögreglunni segir að lögreglumenn voru kallaðir að vegna ótengds máls en árvekni lögreglumannanna varð til þess að málið komst upp. Í kjölfarið voru fimm aðilar handteknir og telst málið upplýst. 

Í öðru máli fannst töluvert magn kannabisefna í íbúð í austurborginni. Lögreglu bárust upplýsingar um að fíkniefnasala færi fram í íbúð og eftir að hafa fylgst með íbúðinni var húsleit framkvæmd. Þrír aðilar voru handteknir vegna málsins en málið er enn til rannsóknar.