Bryndís Hlöðversdóttir ráðin til Landspítala

Bryndís Hlöðversdóttir hefur verið ráðin starfsmannastjóri Landspítalans. Hún hefur störf um miðjan september. Umsækjendur um starfið voru 35.

„Ég hlakka til að takast á við þetta starf, mér finnst þetta spennandi og mikil áskorun,“ segir Bryndís.

Bryndís var rektor Háskólans á Bifröst frá því í byrjun árs 2011 þar nú í júní. Áður gengdi hún stöðu aðstoðarrektors háskólans og hún var deildarstjóri lagadeildar á Bifröst frá árinu 2005.

Bryndís var þingmaður frá árinu 1995 til ársins 2005. Þar á undan starfaði hún sem lögfræðingur Alþýðusambands Íslands en hún útskrifaðist sem lögfræðingur frá Háskóla Íslands árið 1992.

Bryndís hefur gengt fjölda trúnaðarstarfa. Hún hefur meðal annars verið stjórnarformaður Landsvirkjunar frá árinu 2009.