Haukar byrja undirbúningstímabilið vel

Haukar sigruðu Hafnarfjarðarmótið í handbolta en því lauk í dag. Haukar sigruðu FH í lokaleik á meðan Valur lagði norska liðið Kristiansund.

Finnur Ingi Stefánsson var markahæstur í liði Vals með átta mörk í 25-31 sigri liðsins á Kristiansund. Guðmundur Hólmar Helgason skoraði fjögur mörk.

Gísli Jón Þórisson skoraði þrjú mörk fyrir Kristiansund og þjálfarinn Jónatan Magnússon tvö.

Valið var síðan úrvalslið mótsins og það er svona skipað:

Markmaður: Hendrik Eidsvag, Kristiansund

Vinstra horn: Einar Pétur Pétursson, Haukar

Vinstri skytta: Guðmundur Hólmar Helgason, Valur

Miðjumaður: Sigurbergur Sveinsson, Haukar

Hægri skytta: Ragnar Jóhannsson, FH

Hægra horn: Elías Már Halldórsson, Haukar

Línumaður: Sigurður Ágústsson, FH

Besti varnarmaður: Jón Þorbjörn Jóhannson, Haukar