Spánverjar til ÍA og Dani til Vals

Spánverjarnir Hector Pena og Jorge Corella Garcia hafa fengið félagaskipti sín í Pepsi-deildarlið ÍA staðfest.

Corella er 29 ára gamall miðjumaður og hefur leikið í neðri deildunum á Spáni. Pena er sömuleiðis 29 ára og er vinstri bakvörður. Skagamenn sitja í 11. sæti deildarinnar með sjö stig líkt og Keflavík.

Þá hafa Valsmenn fengið danska sóknarmanninn Patrick Pedersen til liðs við sig. Pedersen,  sem er 21 árs gamall, hefur fengið félagaskipti sín í Vals staðfest.

Félagskiptaglugganum á Íslandi verður lokað á miðnætti í kvöld.