Verða að virða útivistartíma íslenskra kúa

Allar mjólkurkýr landsins eiga rétt á að vera á því að vera úti á beit að minnsta kosti tvo mánuði yfir sumartímann.

Langflestir kúabændur virða þennan rétt og eru með kýrnar mun lengur úti yfir sumartímann. Sumir virða ekki rétt gripanna og setja kýrnar jafnvel ekkert út yfir sumartímann.

Samkvæmt upplýsingum frá Matvælastofnun voru níu kúabændur kærðir og nokkrir þeirra hlutu dóm árið 2011 fyrir að láta kýrnar ekki út. Nokkur misbrestur var á þessu síðasta sumar og aftur nú í sumar.

Ólafur Dýrmundsson, ráðunautur hjá Bændasamtökum Íslands, þekkir vel til málsins.

„Það nægir ekki að hleypa þeim bara út úr fjósi, heldur þurfa þær að ganga á beit. Þetta eru grasbítar og þær eru lengi inni yfir veturinn,“ útskýrir Ólafur.

„Það er ekki of lengi þó þær séu úti að minnsta kosti í tvo mánuði. En nú er það orðið alveg skýrt í lögum frá því í vor að nýju dýraverndunarlögin voru samþykkt, að nú er það skylda að mjólkurkýr gangi út til sumarbeitar,“ segir Ólafur.

Ólafur segist vona að það verði aldrei til svo stór kúabú á íslandi eða verksmiðjubú þar sem kúm er aldrei hleypt út úr fjósi, það sé veruleiki sem við viljum ekki horfast við.

„Það er ekki björt framtíð að byggja upp kúabú með þúsundum kúa. Ef þeir geta beitt kúnum út á sumrin, vil ég meina að frá sjónarhóli dýraverndunar, ætti það að vera í lagi,“ segir Ólafur að lokum.

„Það er vitað mál að það er hægt að ná mjög góðri nyt, og heilsufarið á líka að geta verið mjög gott ef þær ganga úti, en frá sjónarhóli dýraverndunar og neytendur líta til þess er það jákvætt fyrir ímynd mjólkuruframleiðslu að kýrnar fái að njóta sumarbeitar,“ segir Ólafur að lokum.