Rúna Aysegul, yngri dóttir Sophiu Hansen, heimsótti móður sína og fjölskyldu ásamt eiginmanni og tveimur sonum á dögunum. Fréttatíminn greinir frá þessu í morgun. Rúna mun hafa grátið af gleði við komuna en hún og synirnir fengu íslenskt vegabréf. Vonir standa til að eldri dóttirin Dagbjört komi fljótlega í heimsókn til Íslands ásamt með sonum sínum tveimur.
Þann 15. júlí 1990 fór Halim Al, fyrrverandi eiginmaður Sophiu, með dætur þeirra tveggja í frí til Tyrklands með Rúnu og Dagbjörtu þá sjö og níu ára. Hann snéri ekki aftur né dæturnar en þjóðin fylgdist með forræðismáli sem Sophia rak á hendur Halim í Tyrklandi en þar hafði hún ekki erindi sem erfiði.
