Sögulegt sigurmark í Ólafsvík

Víkingur frá Ólafsvík vann sinn fyrsta leik í efstu deild í gær. Þá komu Skagamenn í heimsókn í Ólafsvík. Eitt mark var skorað í leiknum og var það skrautlegt.

Guðmundur Magnússon klúðraði víti en markvörðurinn hélt ekki boltanum og Guðmundur komst aftur í boltann og virtist koma honum inn fyrir línuna.

Skagamaðurinn Eggert Kári Karlsson kom líka að boltanum og strákarnir í Pepsimörkunum voru á því að þetta hefði verið sjálfsmark hjá Eggerti Kára.

Dæmi hver fyrir sig en atvikið má sjá hér að ofan.