Íslenski boltinn

Leikmenn Fylkis boðaðir á fund í Lautinni

Stefán Árni Pálsson skrifar
Stjórn knattspyrnudeildar Fylkis boðaði fimm leikmenn liðsins á fund sinn í gær til að ræða stöðu mála hjá félaginu en frá þessu greinir vefsíðan 433.is.

Fylkismenn eru í verulega slæmum málum og sitja í næst neðsta sæti deildarinnar með 2 stig.

,,Fimm menn komu inn á fund hjá okkur gær,  það er enginn ástæða til að básúna um það. Það er alltaf verið að skoða málin. Við funduðum með leikmönnum og þjálfurum, við gerum allt til þess að rétta úr kútnum," sagði Ólafur Geir Magnússon úr stjórn knattspyrnudeildar Fylkis í samtali við 433.is fyrr í dag.

,,Við vorum að taka púlsinn á mönnum, við erum að meta og velta fyrir okkur hvað kom út úr þessum fundum þessa stundina. Ég held að allir sem séu í þessari stöð séu að skoða málin, það eru fjögur lið í slæmum málum, menn eru að rembast við að reyna að rétta úr kútnum. Annað væri óeðlilegt."

,,Ási [Ásmundur Arnarsson, þjálfari Fylkis] er ákveðinn í að snúa við taflinu, menn hafa ennþá trú á verkefninu."



Pepsi Max-deild karla

Mest lesið


Fleiri fréttir

Sjá meira


×

Mest lesið