Kastari í tíu leikja bann

Ian Kennedy, kastari Arizona Diamondbacks, hefur verið dæmdur í tíu leikja bann fyrir óíþróttamannslega framkomu í leik gegn Los Angeles Dodgers.

Allt sauð upp úr í viðureign liðanna í bandarísku atvinnumanndeildinni í hafnabolta á þriðjudaginn. Kennedy var vísað af velli fyrir að kasta boltanum viljandi í áttina að höfði Zack Greinke hjá Dodgers.

Erik Hinske hjá Diamondbacks fékk fimm leikja bann og fjórir aðrir leikmenn auk þjálfara liðanna eins til tveggja leikja bann. Uppákomuna má sjá í meðfylgjandi myndbandi.