Samkaup innkallar jarðarber vegna lifrarbólgu A

Samkaup, hefur í samráði við Heilbrigðiseftirlit Suðurnesja, ákveðið að innkalla af markaði frosin jarðaber frá Coop þar sem grunur leikur á um að berin séu menguð af veiru sem veldur lifrarbólgu A.

Coop matvælaframleiðandinn hefur gripið til sams konar innköllunar í samráði við matvælayfirvöld í Danmörku og Svíþjóð. Jarðaberin eru seld í verslunum Nettó, Samkaupum Strax, Samkaupum Úrval og Kaskó.

Neytendum er ráðlagt að skila vörunni til Samkaups eða viðkomandi verslunar.