Dramatík í Vesturbænum en Víkingur áfram

Tíu leikir fóru fram í 32-liða úrslitum Borgunarbikars karla í knattspyrnu í kvöld. Flest úrslit voru eftir bókinni.

Vítaspyrnukeppni þurfti til þess að knýja fram úrslit á tveimur vígstöðvum. Víkingur Reykjavík, sem leikur í 1. deild, sló út 2. deildarlið Knattspyrnufélag Vesturbæjar en markalaust var að loknum venjulegum leiktíma og framlengingu. Heimamenn léku manni fleiri í framlengingunni en tókst ekki að nýta sér liðsmuninn.

Sömuleiðis þurfti vítaspyrnukeppni til á Ísafirði þar sem BÍ/Bolungarvík úr 1. deild og Reynis úr Sandgerði leiddu saman hesta sína. Gestirnir úr Sandgerði sitja í botnsæti 2. deildar en komust 1-0 yfir. Þeim tókst að jafna metin í 2-2 og aftur í 3-3. Heimamenn sýndu stáltaugar á vítapunktinum og tryggðu sér sæti í 16-liða úrslitum.

Sindri frá Hornafirði tryggði sæti sitt í 16-liða úrslitum með 4-0 sigri á Ými úr Kópavoginum. Þá vann Leiknir úr Reykjavík 3-0 sigur á Ármanni en utandeildarliðið Hjörleifur spilaði undir merkjum Ármanns.

Tindastóll kíkti í heimsókn á Grýluvöll í Hveragerði og vann 2-1 sigur á Hamri. Þá vann Grótta 3-1 heimasigur á Hetti frá Egilsstöðum.

Úrslit dagsins

Þróttur - ÍBV 1-5

Fylkir - Völsungur 2-0

Sindri - Ýmir 4-0

Leiknir - Ármann 2-0

Magni - Þróttur V. 2-0

Hamar - Tindastóll 1-2

Grótta - Höttur 3-1

BÍ/Bolungarvík - Reynir Sandgerði 3-3 (BÍ/Bolungarvík vann eftir vítaspyrnukeppni)

ÍA - Selfoss 2-1 (eftir framlengingu)

KV - Víkingur 0-0 (Víkingur vann eftir vítaspyrnukeppni)

Úrslit að hluta frá Úrslit.net.