Metallica spilaði þjóðsönginn

Rokkguðirnir í Metallica spiluðu þjóðsönginn fyrir heimaleik hjá meisturum San Francisco Giants í bandaríska hafnaboltanum á föstudagskvöldið en Giants-liðið mætti þá Los Angeles Dodgers.

Metallica er frá borginni en trommuleikarinn, Lars Ulrich, er danskur og kastaði hann fyrsta boltanum. Þeir sem spila á gítarana eru James Hetfield og Kirk Hammett en það eiga auðvitað allir að vita.

Hetfield leiddi hópöskrið fyrir leik en þá kalla allir stuðningsmenn San Francisco Giants af öllum lífs og sálarkröftum Let's go Giants!"

Það var ekki mikið skorað í þessum leik en San Francisco Giants fagnaði á endanum 2-1 sigri og hefur nú unnið 17 af 29 leikjum tímabilsins.

Hér fyrir neðan má sjá Metallicu spila bandaríska þjóðsönginn fyrir umræddan leik.