Meintir gjaldeyrisbraskarar fyrir dóm í dag

Ákæra á hendur fjórum mönnum sem sakaðir eru um margra milljarða ólöglegt gjaldeyrisbrask verður þingfest í Héraðsdómi Reykjaness í dag.

Samkvæmt ákæru áttu mennirnir viðskipti með gjaldeyri fyrir um fjórtán milljarða króna á átta mánaða tímabili á árinu 2009, en þeir eru sakaðir um að hafa brotið gegn lögum um gjaldeyrisviðskipti sem sett voru haustið 2008 þegar gengi krónunnar hríðféll. Heildarávinningur ákærðu af viðskiptunum mun hafa numið að minnsta kosti 656 milljónum króna og mun hver sakborningur hafa átt að fá 164 milljónir króna í sinn hlut.

Eftirtaldir aðilar eru ákærðir í málinu:

Karl Löve Jóhannsson    

Gísli Reynisson    

Markús Máni Michaelsson Maute    

Ólafur Sigmundsson