Svona snéri Telma leiknum sér í hag | Myndband

Telma Rut Frímannsdóttir vann í gær til bronsverðlauna á Swedish Karate Open mótinu sem fram fer í Malmö í Svíþjóð. Hún lagði Lydiu Holler frá Þýskalandi í leik um bronsið.

Telma sýndi mikla baráttu eftir að hún kom tilbaka eftir að hafa lent 0-6 undir í bardaganum þegar ein mínúta var liðin af bardaganum. Bardagi í Karate stendur í þrjár mínútur. Telma snéri taflinu sér í vil, saxaði jafnt og þétt á forskot Lydiu og endaði svo með að vinna frábæran sigur, 12-7.

Fram kemur á heimasíðu Karatesambands Íslands að viðureiginin milli Telmu og Lydinu hafi verið ein sú besta í gær. Svo sannarlega ótrúlegur viðsnúningu hjá Telmu. Sjá má bardagann um þriðja sætið í meðfylgjandi myndbandi. Telma leikur í rauðum hönskum.