Andstæðingur Gunnars í réttri þyngd

Jorge Santiago, andstæðingur Gunnars Nelson í UFC-bardaga þeirra annað kvöld, reyndist sleppa undir þyngdarmörk í vigtun þeirra í dag.

Þeir keppa í veltivigt þar sem keppendur mega ekki vera þyngri en 170 pund. Santiago, sem hefur einnig keppt í næsta þyngdarflokki fyrir ofan, vó einmitt 170 pund.

Gunnar var einu pundi léttari eða 169 pund. Það eru rétt tæplega 77 kíló.

Bardagi þeirra verður í beinni útsendingu á Stöð 2 Sport á morgun og hefst útsendingin klukkan 20.00.