Guðni ætlaði að kjósa sjálfan sig sem formann

Gestir á flokksþingi Framsóknarflokksins gengu til formannskosninga nú fyrir stundu, en Sigmundur Davíð Gunnlaugsson, formaður flokksins, er sá eini sem lýst hefur yfir framboði.

Guðni Ágústsson, fyrrverandi ráðherra, gekk að kjörkassanum með kosningamiðann sinn en hann skrifaði óvart nafnið sitt á miðann.

Þetta þótti viðstöddum skondið því ef miðinn hefði ratað ofan í kjörkassann hefði Guðni því kosið sjálfan sig sem formann flokksins. Hann fékk að lokum annan miða hjá kjörstjórn.

Talið verður upp úr kjörkössunum á næstu mínútum, og verður að sjálfsögðu greint frá úrslitunum hér á Vísi.

Hægt er að fylgjast með fundinum í beinni útsendingu hér á Vísi.