Sigmundur Davíð endurkjörinn - "Framsókn Íslands er að hefjast á ný"

Sigmundur Davíð Gunnlaugsson, formaður Framsóknarflokksins, var endurkjörinn formaður flokksins, á flokksþingi sem stendur nú yfir í Gullhömrum.

Hann hlaut 97,6% atkvæða. 770 voru á kjörskrá en 369 greiddu atkvæði. Í þakkarræðu sinni þakkaði hann innilega fyrir stuðninginn og sagði að næstu ár sem formaður yrðu ennþá skemmtilegri en þau síðustu.

„Framsókn Íslands er að hefjast á ný," sagði hann í lokaorðum sínum.

Sigurður Ingi Jóhannsson var kosinn varaformaður flokksins en hann tekur við embættinu af Birki Jóni Jónssyni, sem gaf ekki kost á sér til endurkjörs. Sigurður Ingi hlaut 94,7% atkvæða, eða 360 af 381 atkvæði.