Lágmarksfjárhæðir í gjaldeyrisútboðum lækkaðar

Seðlabanki Íslands hefur ákveðið að lækka lágmarksfjárhæð til þátttöku í útboðum í fjárfestingar- og ríkisverðbréfaleiðinni.

Lágmarksfjárhæð til þátttöku í fjárfestingarleiðinni lækkar úr 50 þúsund evrum í 25 þúsund evrur. Lágmarksfjárhæð til þátttöku í ríkisverðbréfaleiðinni verður lækkuð um 9/10 eða úr 100 þúsund evrum í 10 þúsund evrur.

Á vef Seðlabankans segir að breytingin muni gefa fleiri fjárfestum tækifæri til að nýta sér útboðsleiðirnar. Lágmarksfjárhæðirnar verða lækkaðar í næstu útboðum sem fara fram 19. mars.

Fjallað var um kröfur um lágmarksfjárhæð í fjárfestingarleið Seðlbankans í kvöldfréttum Stöðvar 2 í gærkvöldi.