Þakkarskjöldur afhjúpaður á Hornafirði

Á Unglingalandsmótinu á Höfn í Hornafirði í dag var afhjúpaður þakkarskjöldur sem staðsettur er við Sindravöll, íþróttasvæði bæjarins. Það voru Helga Guðrún Guðjónsdóttir, formaður UMFÍ, og Hjalti Þór Vignisson bæjarstjóri Sveitarfélagsins Hornafjarðar, sem afhjúpuðu þakkarskjöldinn í sameiningu.

Helga Guðrún Guðjónsdóttir sagði af þessu tilefni það heiður fyrir hönd hreyfingarinnar að fá að afhenda þennan skjöld til merkis um góða framkvæmd að mótinu sem heppnaðist í alla staði frábærlega vel.

Fyrir var þakkarskjöldur frá árinu 2007 þegar Unglingalandsmót var haldið í fyrsta sinn á Hornafirði.