Heimili barnaníðings í gæsluvarðhaldi lagt í rúst

Brotist var inn á heimili barnaníðingsins Gunnars Jakobssonar á Stokkseyri aðfaranótt laugardags. Gunnar hefur setið í gæsluvarðhaldi frá því á föstudag grunaður um að hafa brotið kynferðislega gegn börnum.

Í tilkynningu frá lögreglunni á Selfossi segir að unnin hafi verið eignaspjöll á íbúðinni. Ískáp hafi verið velt á hliðina ásamt því að hurð og glös hafi verið brotin. Þá var einnig rótað í skúffum og skápum.

Að sögn lögreglunnar er ekki vitað hverjir voru þarna að verki og þá er einnig óljóst hvort að einhverju hafi verið stolið. Lögreglan biður þá sem upplýsingar geta veitt um málið að hafa samband í síma 480-1010.