Milljónamærings leitað - Keyptir þú miða á Akureyri?

„Nei, hann eða hún er ekki búinn að hafa samband," segir Stefán Konráðsson, framkvæmdastjóri Íslenskrar getspár. Heppinn spilari vann rúmar 73 milljónir í lottóinu um helgina. Vinningsmiðinn var keyptur í Leirunesti við Leiruveg á Akureyri .

Stefán segir að yfirleitt gefi vinningshafinn sig fram á fyrsta eða öðrum degi. „Fólk er þá að ráða ráðum sínum og átta sig á þessu. Við bíðum alltaf spennt þangað til," segir hann.

Miðinn var keyptur á Akureyri en þar var líka vinningsmiði í Víkingalottóinu fyrr á árinu keyptur. Sá fékk 108 milljónir í sinn hlut. Þeir eru því heppnir Norðanmennirnir þessa dagana.

Fjórir voru með fjórar tölur + bónustöluna rétt og fá þeir rúmlega 220 þúsund í sinn hlaut. Tvö hundruð voru með fjórar af fimm réttar og fá þeir 25 þúsund. Og 7.265 voru með þrjár af fimm réttar og fá þeir 850 krónur.

Tölurnar voru: 14 - 17 - 21 - 28 - 33

Bónustala: 1

Jóker: 5 - 5 - 4 - 5 - 2