Nova nánast jafn stórt og Vodafone 13. nóvember 2012 08:00 Um áramót verða öll lúkningargjöld samræmd og þá munu símafyrirtækin keppa á jafnræðisgrundvelli um viðskiptavini. Nordicphotos/AFP Allir viðskiptavinir sem bættust við íslenska farsímamarkaðinn á fyrri hluta árs fóru til Nova. Markaðshlutdeild Nova og Vodafone verður jöfn um áramót. Síminn bætir við sig í fyrsta sinn í mörg ár. Nova var með 6.416 færri viðskiptavini í farsímaþjónustu en Vodafone um mitt þetta ár. Á fyrri helmingi þessa árs bætti Nova við sig 7.229 viðskiptavinum en á sama tíma fjölgaði þeim um 257 hjá Vodafone. Haldi þessi þróun áfram á síðari hluta ársins 2012 verður Nova orðið næststærsta farsímafyrirtæki landsins í árslok á eftir Símanum. Þetta kemur fram í nýrri tölfræðiskýrslu Póst- og fjarskiptastofnunnar (PFS) um íslenska fjarskiptamarkaðinn á fyrri helmingi ársins 2012 sem birt var í gær. Alls bættust 7.046 áskriftir við íslenska farsímamarkaðinn á síðasta ári. Ljóst er að Nova tók alla þá viðskiptavini til sín. Til viðbótar tapaði Tal rúmlega þúsund viðskiptavinum sem skiptast nokkuð bróðurlega á milli annarra símafyrirtækja. Viðskiptavinir Nova, sem hóf starfsemi 1. desember 2007, voru orðnir tæplega 107 þúsund í lok júní síðastliðins. Það er í fyrsta sinn sem þeir fara yfir 100 þúsund viðskiptavinamarkið í samantekt PFS. Liv Bergþórsdóttir, framkvæmdastjóri Nova, segir allt stefna í að Nova verði orðið jafn stórt og Vodafone í lok þessa árs. "Það er rétt rúmur mánuður eftir af árinu og ég sé ekki annað en að það stefni í það. Ég myndi áætla að markaðshlutdeild félaganna tveggja verði sambærileg í lok þessa árs. Við verðum fimm ára 1. desember næstkomandi og þessi þróun er í takt við það sem við létum okkur dreyma um þegar við lögðum af stað í þessa miklu fjárfestingu."Síminn bætti loks við sig Síminn, stærsta farsímafyrirtæki landsins, bætir við sig viðskiptavinum í fyrsta sinn síðan PFS fór að birta tölfræðiupplýsingar um fjarskiptamarkaðinn opinberlega. Þeim fjölgaði um 230 á fyrstu sex mánuðum þessa árs og voru 153.421 talsins. Sævar Freyr Þráinsson, forstjóri Símans, segir árangurinn vera í takt við áherslur fyrirtækisins á undanförnum árum. "Við höfum verið að leggja áherslu á að efla okkar þjónustu til okkar núverandi viðskiptavina. Það er greinilegt á þessu að sú vinna er að skila sér." Markaðshlutdeild Símans hefur þó lækkað jafnt og þétt á undanförnum árum. Árið 2004 var fyrirtækið með 64,5 prósenta markaðshlutdeild og rúmlega 173 þúsund viðskiptavini. Þeim hefur fækkað um 20 þúsund síðan þá auk þess sem Símanum hefur ekki tekist að ná í þá 124 þúsund viðskiptavini sem bæst hafa við markaðinn síðan þá. Hlutdeild Vodafone á farsímamarkaði er nú tæplega 29 prósent og hefur aldrei verið lægri. Viðskiptavinum fyrirtækisins fjölgaði lítillega á fyrri helmingi þessa árs en ekki nóg til að verja markaðshlutdeildina. Vodafone, sem verður skráð á markað á þessu ári, skilaði níu mánaða uppgjöri sínu í gær. Það sýndi hagnað fyrir skatta og fjármagnsliði (EBITDA) upp á 2,2 milljarða króna og hreinan hagnað upp á 352 milljónir króna.Fjölga tekjustraumunum Ómar Svavarsson, forstjóri Vodafone, segist ánægður með að viðskiptavinum fyrirtækisins hafi fjölgað. "Við höfum á undanförnum árum lagt áherslu á að styrkja stoðirnar undir rekstrinum og fjölga tekjustraumunum. Það höfum við gert með því að bjóða heildarfjarskiptaþjónustu með góðum árangri, en vöxturinn hefur verið mestur í gagnaflutnings- og sjónvarpsþjónustu. Við einblínum ekki á fjöldatölur heldur horfum á rekstrarniðurstöður félagsins í heild og mikilvægi þess að rekstrarmódelið okkar sé sjálfbært á hverjum tíma. Afkoma Vodafone á fyrstu níu mánuðum ársins gefur okkur fulla ástæðu til bjartsýni og við höldum ró okkar þótt hlutdeildin á farsímamarkaðnum hafi lækkað um hálft prósent á þessu ári." Tal náði að fjölga viðskiptavinum sínum um rúmlega eitt þúsund á seinni hluta ársins 2011 en tapaði þeim aftur á fyrri hluta þessa árs. Fjöldi viðskiptavina er nánast sá sami og hann var um mitt síðasta ár og markaðshlutdeild fyrirtækisins 4,6 prósent. Viktor Ólason, forstjóri Tals, segir fyrirtækið hafa bætt verulega við sig síðan um mitt ár. Viðskiptavinum þess hafi fjölgað um fjögur þúsund á síðustu mánuðum. Mest lesið Fannst látinn í klefa sínum á Litla Hrauni Innlent Vinnubrögðin gátu leitt til dauða Innlent Hafi mögulega reynt að lenda á ísilögðu vatninu Innlent Nefndin aldrei heyrt aðrar eins frásagnir en lítið að gerast Innlent Halla fremst með 29,7 prósent í nýrri könnun Prósents Innlent Glórulausar framkvæmdir raski velferð íbúa hjúkrunarheimilis Innlent Hindraði mann sem ætlaði að komast úr bíl við Bónusbúð Innlent Segir viðmælendur sitja undir hótunum netaktívista Innlent Reiðir yfir ummælum Macrons og halda æfingar með kjarnorkuvopn Erlent Lík þriggja brimbrettakappa fundust í brunni í Mexíkó Erlent Fleiri fréttir Ákall frá föður látins fanga og beinagrindur á Bessastöðum Kveðst ekki svindla á neinum með happdrætti sínu Örlætisgjörningur ríkislögreglustjóra til tals á þinginu Brynjar hefur ekki orðið var við neina skrímsladeild í Valhöll Framkvæmdir muni ekki hafa marktæk áhrif á daglega starfsemi Segja varkárni ávallt hafa verið Haraldi efst í huga Bjóða farþegum að breyta ferðum vegna mögulegs verkfalls Grunaður um að valda konunni áverkum sem leiddu hana til dauða Byrja að sekta vegna nagladekkja þrettánda maí Ósáttur með tal eftirlitsmannsins í kaupfélaginu en sektin stendur Nefndin aldrei heyrt aðrar eins frásagnir en lítið að gerast Á vesturleiðinni en ekki á hundrað og tíu Hægagangur í viðræðum við flugvallarstarfsmenn og styttist í aðgerðir Sanngirnisbætur, kjaraviðræður og andlát á Litla-Hrauni Hafi mögulega reynt að lenda á ísilögðu vatninu Sækjast eftir frekara gæsluvarðhaldi vegna andlátsins við Kjarnagötu Tjá sig ekkert um gang Hamraborgarrannsóknarinnar Hindraði mann sem ætlaði að komast úr bíl við Bónusbúð Segir viðmælendur sitja undir hótunum netaktívista Glórulausar framkvæmdir raski velferð íbúa hjúkrunarheimilis Fannst látinn í klefa sínum á Litla Hrauni Vinnubrögðin gátu leitt til dauða Halla fremst með 29,7 prósent í nýrri könnun Prósents Viðræður „á viðkvæmu stigi“ og fundi frestað til morguns Stærsti skjálftinn 3,5 að stærð Áslaug Arna mjólkar vel í fjósinu á Hvanneyri Líklega fundað fram eftir kvöldi Til vandræða á hóteli og réðst svo á mann við Hlemm Lífshættuleg meðhöndlun barna á vöggustofum og þrír eftir í bakgarðshlaupi Karlar líklegri að ljúga á kostnað annarra Sjá meira
Allir viðskiptavinir sem bættust við íslenska farsímamarkaðinn á fyrri hluta árs fóru til Nova. Markaðshlutdeild Nova og Vodafone verður jöfn um áramót. Síminn bætir við sig í fyrsta sinn í mörg ár. Nova var með 6.416 færri viðskiptavini í farsímaþjónustu en Vodafone um mitt þetta ár. Á fyrri helmingi þessa árs bætti Nova við sig 7.229 viðskiptavinum en á sama tíma fjölgaði þeim um 257 hjá Vodafone. Haldi þessi þróun áfram á síðari hluta ársins 2012 verður Nova orðið næststærsta farsímafyrirtæki landsins í árslok á eftir Símanum. Þetta kemur fram í nýrri tölfræðiskýrslu Póst- og fjarskiptastofnunnar (PFS) um íslenska fjarskiptamarkaðinn á fyrri helmingi ársins 2012 sem birt var í gær. Alls bættust 7.046 áskriftir við íslenska farsímamarkaðinn á síðasta ári. Ljóst er að Nova tók alla þá viðskiptavini til sín. Til viðbótar tapaði Tal rúmlega þúsund viðskiptavinum sem skiptast nokkuð bróðurlega á milli annarra símafyrirtækja. Viðskiptavinir Nova, sem hóf starfsemi 1. desember 2007, voru orðnir tæplega 107 þúsund í lok júní síðastliðins. Það er í fyrsta sinn sem þeir fara yfir 100 þúsund viðskiptavinamarkið í samantekt PFS. Liv Bergþórsdóttir, framkvæmdastjóri Nova, segir allt stefna í að Nova verði orðið jafn stórt og Vodafone í lok þessa árs. "Það er rétt rúmur mánuður eftir af árinu og ég sé ekki annað en að það stefni í það. Ég myndi áætla að markaðshlutdeild félaganna tveggja verði sambærileg í lok þessa árs. Við verðum fimm ára 1. desember næstkomandi og þessi þróun er í takt við það sem við létum okkur dreyma um þegar við lögðum af stað í þessa miklu fjárfestingu."Síminn bætti loks við sig Síminn, stærsta farsímafyrirtæki landsins, bætir við sig viðskiptavinum í fyrsta sinn síðan PFS fór að birta tölfræðiupplýsingar um fjarskiptamarkaðinn opinberlega. Þeim fjölgaði um 230 á fyrstu sex mánuðum þessa árs og voru 153.421 talsins. Sævar Freyr Þráinsson, forstjóri Símans, segir árangurinn vera í takt við áherslur fyrirtækisins á undanförnum árum. "Við höfum verið að leggja áherslu á að efla okkar þjónustu til okkar núverandi viðskiptavina. Það er greinilegt á þessu að sú vinna er að skila sér." Markaðshlutdeild Símans hefur þó lækkað jafnt og þétt á undanförnum árum. Árið 2004 var fyrirtækið með 64,5 prósenta markaðshlutdeild og rúmlega 173 þúsund viðskiptavini. Þeim hefur fækkað um 20 þúsund síðan þá auk þess sem Símanum hefur ekki tekist að ná í þá 124 þúsund viðskiptavini sem bæst hafa við markaðinn síðan þá. Hlutdeild Vodafone á farsímamarkaði er nú tæplega 29 prósent og hefur aldrei verið lægri. Viðskiptavinum fyrirtækisins fjölgaði lítillega á fyrri helmingi þessa árs en ekki nóg til að verja markaðshlutdeildina. Vodafone, sem verður skráð á markað á þessu ári, skilaði níu mánaða uppgjöri sínu í gær. Það sýndi hagnað fyrir skatta og fjármagnsliði (EBITDA) upp á 2,2 milljarða króna og hreinan hagnað upp á 352 milljónir króna.Fjölga tekjustraumunum Ómar Svavarsson, forstjóri Vodafone, segist ánægður með að viðskiptavinum fyrirtækisins hafi fjölgað. "Við höfum á undanförnum árum lagt áherslu á að styrkja stoðirnar undir rekstrinum og fjölga tekjustraumunum. Það höfum við gert með því að bjóða heildarfjarskiptaþjónustu með góðum árangri, en vöxturinn hefur verið mestur í gagnaflutnings- og sjónvarpsþjónustu. Við einblínum ekki á fjöldatölur heldur horfum á rekstrarniðurstöður félagsins í heild og mikilvægi þess að rekstrarmódelið okkar sé sjálfbært á hverjum tíma. Afkoma Vodafone á fyrstu níu mánuðum ársins gefur okkur fulla ástæðu til bjartsýni og við höldum ró okkar þótt hlutdeildin á farsímamarkaðnum hafi lækkað um hálft prósent á þessu ári." Tal náði að fjölga viðskiptavinum sínum um rúmlega eitt þúsund á seinni hluta ársins 2011 en tapaði þeim aftur á fyrri hluta þessa árs. Fjöldi viðskiptavina er nánast sá sami og hann var um mitt síðasta ár og markaðshlutdeild fyrirtækisins 4,6 prósent. Viktor Ólason, forstjóri Tals, segir fyrirtækið hafa bætt verulega við sig síðan um mitt ár. Viðskiptavinum þess hafi fjölgað um fjögur þúsund á síðustu mánuðum.
Mest lesið Fannst látinn í klefa sínum á Litla Hrauni Innlent Vinnubrögðin gátu leitt til dauða Innlent Hafi mögulega reynt að lenda á ísilögðu vatninu Innlent Nefndin aldrei heyrt aðrar eins frásagnir en lítið að gerast Innlent Halla fremst með 29,7 prósent í nýrri könnun Prósents Innlent Glórulausar framkvæmdir raski velferð íbúa hjúkrunarheimilis Innlent Hindraði mann sem ætlaði að komast úr bíl við Bónusbúð Innlent Segir viðmælendur sitja undir hótunum netaktívista Innlent Reiðir yfir ummælum Macrons og halda æfingar með kjarnorkuvopn Erlent Lík þriggja brimbrettakappa fundust í brunni í Mexíkó Erlent Fleiri fréttir Ákall frá föður látins fanga og beinagrindur á Bessastöðum Kveðst ekki svindla á neinum með happdrætti sínu Örlætisgjörningur ríkislögreglustjóra til tals á þinginu Brynjar hefur ekki orðið var við neina skrímsladeild í Valhöll Framkvæmdir muni ekki hafa marktæk áhrif á daglega starfsemi Segja varkárni ávallt hafa verið Haraldi efst í huga Bjóða farþegum að breyta ferðum vegna mögulegs verkfalls Grunaður um að valda konunni áverkum sem leiddu hana til dauða Byrja að sekta vegna nagladekkja þrettánda maí Ósáttur með tal eftirlitsmannsins í kaupfélaginu en sektin stendur Nefndin aldrei heyrt aðrar eins frásagnir en lítið að gerast Á vesturleiðinni en ekki á hundrað og tíu Hægagangur í viðræðum við flugvallarstarfsmenn og styttist í aðgerðir Sanngirnisbætur, kjaraviðræður og andlát á Litla-Hrauni Hafi mögulega reynt að lenda á ísilögðu vatninu Sækjast eftir frekara gæsluvarðhaldi vegna andlátsins við Kjarnagötu Tjá sig ekkert um gang Hamraborgarrannsóknarinnar Hindraði mann sem ætlaði að komast úr bíl við Bónusbúð Segir viðmælendur sitja undir hótunum netaktívista Glórulausar framkvæmdir raski velferð íbúa hjúkrunarheimilis Fannst látinn í klefa sínum á Litla Hrauni Vinnubrögðin gátu leitt til dauða Halla fremst með 29,7 prósent í nýrri könnun Prósents Viðræður „á viðkvæmu stigi“ og fundi frestað til morguns Stærsti skjálftinn 3,5 að stærð Áslaug Arna mjólkar vel í fjósinu á Hvanneyri Líklega fundað fram eftir kvöldi Til vandræða á hóteli og réðst svo á mann við Hlemm Lífshættuleg meðhöndlun barna á vöggustofum og þrír eftir í bakgarðshlaupi Karlar líklegri að ljúga á kostnað annarra Sjá meira