Úrslit Landsmótsins í beinni á Vísi

Úrslit í gæðingakeppni á landsmóti hestamanna verða sýnd í beinni útsendingu og opinni dagskrá hér á fréttavefnum Vísi og á Stöð 2 Sport á morgun. Landsmótið fer fram á félagssvæði Fáks í Víðidal í Reykjavík að þessu sinni.

Sýnt verður frá A-úrslitum í ungmennaflokki, B-flokki gæðinga, unglingaflokki og endað á hápunkti landsmótsins, A-flokki gæðinga. Jafnframt verður sýnt frá úrslitareið í tölti sem fram fór á laugardagskvöldi.

Útsending hefst samkvæmt dagskrá klukkan tíu að morgni og áætlað er að hún standi yfir til klukkan þrjú eða þar til mótinu er slitið. Kynnir verður Telma L. Tómasson fréttamaður og með henni verður Hafliði Halldórsson hestamaður, dómari og hrossaræktandi. Hann mun fara yfir keppnisreglur og greina frá ýmsum spennandi hliðum á hestamennsku og gæðingakeppni