Siðareglur háðar túlkunum

Innri endurskoðun Reykjavíkurborgar ítrekar athugasemd sína um nauðsyn þess að settur verði á fót vettvangur til umræðu um siðareglur starfsmanna og borgarfulltrúa Reykjavíkurborgar. Þetta kemur fram í svari við fyrirspurn Vinstri grænna og Sjálfstæðismanna í borgaráði.

Fram kemur að innri endurskoðun telji vert að undirstrika mikilvægi þess að aðilar séu vakandi yfir mögulegum hagsmunatengslum í störfum sínum og samskiptum.

Í svarinu segir að reglur um skráningu fjárhagslegra hagsmuna séu háðar túlkunum. Því megi velta fyrir sér hvort ferð borgarfulltrúa Besta flokksins í jómfrúarferð WOW falli undir þessi ákvæði eða ekki.

- bþh