Aflaverðmæti fjórðungi meira

Aflaverðmæti íslenskra fiskiskipa nam 47,3 milljörðum króna á fyrstu þremur mánuðum ársins. Til samanburðar var aflaverðmæti 37,6 milljarðar á sama tímabili 2011. Verðmætið jókst því um fjórðung á milli ára.

Verðmæti uppsjávarafla jókst um heil 35% á milli ára og var 14,7 milljarðar á fyrstu þremur mánuðum ársins. Verðmæti botnfisks var hins vegar 29 milljarðar og jókst um 24,2%. Þá var verðmæti flatfiskafla um þrír milljarðar króna á tímabilinu. Af einstökum tegundum nam verðmæti þorskafla 16,1 milljarði og loðnuafla þrettán milljörðum.- mþl