26 nýnemar við HÍ hljóta styrki

Afburðanemendum sem hefja nám við Háskóla Íslands næsta haust voru veittir styrkir að heildarupphæð 9,3 milljónir króna í gær. Alls hljóta 26 nemendur 300.000 króna styrki auk niðurfellingar á skráningargjöldum sem nema 60.000 krónum. Aldrei hafa styrkþegar verið fleiri í þau fimm skipti sem styrkirnir hafa verið veittir.

Nemarnir eiga það sameiginlegt að hafa náð framúrskarandi árangri á stúdentsprófi. Í hópnum eru níu karlar en sautján konur.

Við valið var horft til árangurs á stúdentsprófi, virkni í félagsstörfum og árangur í íþróttum eða listum. Þrjá styrki hljóta nýnemar sem hafa sýnt góðan námsárangur þrátt fyrir sérstakar eða erfiðar aðstæður.

- bþh