Gefa dagþjónustu öryggiseftirlit

Dagþjónustunni fyrir fatlaða við Gylfaflöt í Grafarvogi hefur borist aðstoð víða að úr samfélaginu í kjölfar frétta um skemmdarverk í útivistargarði þjónustunnar.

?Síðustu tvö ár hefur verið svo rosalegur ágangur unglinga úr Grafarvogi um helgar,? sagði Særún Sigurjónsdóttir yfirþroskaþjálfi í Fréttablaðinu á miðvikudag. Hún sagði starfsmenn og þjónustuþega vera orðna langþreytta á ástandinu, en þegar þeir sneru til vinnu eftir helgi áttuðu þeir sig á að garðurinn var í rúst.

Dagþjónustunni hefur borist fjöldi vilyrða um styrki og hjálp í vikunni. ?Fólk hefur tekið við sér,? segir Særún. ?Við höfum fengið góð og snögg viðbrögð.? Rúmfatalagerinn hefur gefið rólur, stólsessur og borð til að nota í garðinum. Þá hefur Öryggismiðstöðin ákveðið að gefa dagþjónustunni eftirlit endurgjaldslaust.

?Þessir tveir aðilar hafa hjálpað til og fleira gott fólk. Við þökkum alveg ofboðslega vel fyrir okkur.?

- bþh