Þúsund bókaverslanir vildu Auði Övu

Þúsund franskar bókaverslanir óskuðu eftir því að skáldið Auður Alva Ólafsdóttir kæmi í heimsókn og áritaði nýútkomna bók sína, Rigning í nóvember, sem kom nýlega út í franskri þýðingu.

Á frönsku heitir bókin L'Embellie en hún hefur þegar fengið lofsamlega dóma ytra.

Hér heima er það Bjartur sem gefur bókina út.

Í tilkynningu frá forlaginu segir að dómarnir ytra hafi verið svo lofsamlegir að þýðandi Bjarts hafi næstum farið hjá sér þegar hann þýddi orð Madame Mauriac, sem gagnrýnir bækur fyrir hið virðulega kvennablað stórblaðsins Figaro.

Þar sagði: „Bókmenntaheimurinn spáir hinni mögnuðu skáldkonu framtíð meðal stjarnanna!"

Þó svo Auði Övu sé margt til lista lagt, þá getur hún tæpast deilt sér niður á þúsund bókaverslanir og varð því lausnin sú að hún mun árita bók sína í þremur bókaverslunum í Frakklandi í lok mánaðarins. Saga Auðar kemur út hér á landi í haust.