Sarah Blake í 8. sæti í 50 metra skriðsundi

Sarah Blake Bateman úr Ægi hafnaði í 8. sæti í 50 metra skriðsundi á Evrópumeistaramótinu í Ungverjalandi í dag. Sarah synti á tímanum 25.38 sekúndum.

Sarah Blake tryggði sér sæti í úrslitasundinu eftir sigur í aukasundi milli þriggja sundkvenna sem náðu sama tíma í undanúrslitum í gær. Í því sundi setti hún Íslandsmet með tímanum 25.34 sekúndur sem tryggði henni einnig sæti á Ólympíuleikunum.

Sarah Blake keppir á eftir með íslensku sveitinni í úrslitum í 4x100 metra fjórsundi kvenna.