Undirbúa nýja plötu Gus Gus

Stuðboltarnir í Gus Gus eru nýkomnir heim frá útlöndum eftir vel heppnaða tónleikaferð. Í þetta sinn spiluðu Högni Egilsson og félagar meðal annars í Austurríki, Ungverjalandi og Króatíu en í þessum löndum fer aðdáendahópur þeirra sífellt vaxandi. Hljómsveitin er að semja lög á nýja plötu um þessar mundir og stefnt er á útgáfu á næsta ári. Síðasta plata Gus Gus, Arabian Horse, kom út í fyrra og fékk fantagóðar viðtökur. Spennan eftir nýju efni er því mikil. Næstu tónleikar sveitarinnar á erlendri grundu verða í Noregi í næstu viku á hátíðunum Ekko og Insomnia. -fb