Jóhanna segist hafa talað um aðildarviðræðurnar

„Þeir hafa ekki lesið hana nægilega vel," sagði Jóhanna Sigurðardóttir forsætisráðherra í tíufréttum Ríkissjónvarpsins í kvöld, þegar borið var undir hana að athygli vakti að hún minntist ekkert á aðildarviðræðurnar við Evrópusambandið í stefnuræðu sinni.

Þorsteinn Pálsson, fyrrverandi forsætisráðherra og samningamaður Íslands í viðræðunum, sagði í samtali við Vísi fyrr í kvöld að það hafi verið mjög athyglisvert að Jóhanna hafi ekki minnst einu orði á aðildarviðræðurnar.

Jóhanna sagði við RÚV að hún hafi komið inn á Evrópusambandið í sinni ræðu og talað um mikilvægi þess. Spurð um aðildarviðræðurnar sjálfar, sagði hún að eflaust yrði rætt mikið um aðildarviðræðurnar í þinginu í vetur.

Lesa má ræðu forsætisráðherra hér.