Glæpastríð í Eymundsson

Arnaldur Indriðason á mest seldu bókina á heildarlista Eymundsson vikuna 21.11.12 til 27.11.12. Í öðru sætinu er glæpadrottningin sjálf, Yrsa Sigurðardóttir, og má búast við hörðum toppslag þar, en Yrsa hefur ógnað stöðu Arnalds sem konung glæpasagnanna síðustu ár.

Börnin þufa svo að fá sitt, en Jólasyrpa 2012 er í þriðja sætinu. Þar er sagt frá ævintýrum Andrésar Andar og félaga.

Og það er auðvitað ekki nóg að fara í kjólin fyrir jólin, greiðslan þarf einnig að vera í lagi, bókin Hárið eftir Theodóru Mjöll Skúladóttur Jack er í fjórða sætinu, en það er Saga Sigurðardóttir sem tekur myndirnar.

Það er síðan funheitt mömmuklám sem sem selst eins og heitar lummur í vasabrotinu en í fyrsta sætinu er Fimmtíu dekkri skuggar sem er framhald fjötrablætisbókarinnar Fimmtíu gráir skuggar sem hefur slegið í gegn um allan heim.

Fyrsta íslenska skáldverkið á þeim lista er eftir Yrsu Sigurðardóttur, Sér grefur gröf. Hún getur raunar ekki kvartað því bók hennar, Horfðu á mig, er einnig í níunda sætinu á sama lista. Þar á milli, eða í sjöunda sætinu, er skáldverkið Illska eftir Eirík Örn Norðdahl sem hefur verið að fá glimrandi dóma undanfarið.