Innlent

Hröð atburðarás þegar Hallgrímur sökk - dælurnar biluðu á ögurstundu

Myndin er úr safni.
Myndin er úr safni.
Rannsóknarnefnd sjóslysa ræddi í gær við Eirík Inga Jóhannsson, sem komst lífs af frá Sjóslysinu í Noregi þar sem þrír félaga hans létu lífið. Formaður nefndarinnar Jóna Arilíus Ingólfsson, forstöðumaður rannsóknarnefndar sjóslysa, segir að skipið Hallgrímur Si-77 hafi verið í góðu ástandi þegar það hélt í sína síðustu ferð til Noregs í síðustu viku.

Hann segir það hafa komið fram þegar rannsóknarnefndin ræddi við Eirík í gær að enginn aukafarmur hafi verið um borð, einungis troll og vírar sem því tengjast.

Eiríkur lýsti atburðarásinni fyrir nefndinni í gær á þann veg að stýrisbúnaður hafi bilað. Jón Arilíus segir að í kjölfarið hafi komið í ljós að sjósöfnun hafi orðið í skipinu

„Sem hefur sennilega haft þessar afleiðingar og þegar það átti að dæla slógu dælurnar út," sagði Jón um erfiðar aðstæður sjómannanna.

Hann segir atburðarásina hafa verið mjög hraða. Tveir mannana hafi ekki komist í björgunargalla, en Eiríkur og einn mannana hafi þó náð því. Hann segir galla mannsins sem lést ekki hafa verið bilaðan.

„Hann hefur líklega ekki lokað búningnum almennilega þegar hann fór í sjóinn," segir Jón.

Hann segir erfiðlega hafa gengið fyrir skipverjana að komast í björgunarbátinn sem var um borð því skipið hafi þá verið komið á hliðina og björgunarbáturinn var laskaður. Skipverjarnir fóru því allir í sjóinn á sama tíma og áttu erfitt með að athafna sig vegna veðurs

„Það er náttúrulega erfitt að athafna sig í svona veðri. Þarna var stormur og 10 til 15 metra ölduhæð."

Um líðan Eiríks segir Jón: „Hann er náttúrulega búinn að upplifa mikið og erfiðar stundir. Það hefur sín áhrif."


Tengdar fréttir

Sjómaðurinn vel á sig kominn - þriggja enn leitað

Maðurinn, sem var bjargað úr sjónum síðdegis, er kominn í land, og er vel á sig kominn. Þriggja er enn saknað eftir að íslenskur togari sökk um 270 kílómetrum norðvestur af Stad sem er nærri Álasundi.

Sjómaðurinn var í þrjár og hálfa klukkustund í sjónum

Íslenski sjómaðurinn, sem var bjargað úr Noregshafi í gærdag, var búinn að vera í þrjár og hálfa klukkustund í sjónum þegar þyrlu norsku gæslunnar fann hann. Maðurinn var vel búinn enda komst hann í flotbúning áður en togarinn Hallgrímur SI-77 sökk í gærdag.

Íslenskt skip sökk nærri Noregi - þriggja saknað

Landhelgisgæslunni barst kl. 13:14 neyðarkall frá íslensku togskipi með fjóra menn um borð sem var staðsett innan norskrar lögsögu eða 150 sjómílur Norðvestur af Álasundi í Noregi.

Átti að selja skipið í brotajárn - fárviðri á svæðinu

Skipið, sem sökk nærri Noregi, var á leiðinni þangað þar sem selja átti það í brotajárn. Ekki er gefið upp hvað togarinn heitir en þriggja manna er saknað eins og Vísir hefur greint frá eftir að skipið sökk fyrr í dag. Norskir fjölmiðlar telja að þeir séu allir Íslendingar.

Togarinn sem sökk heitir Hallgrímur SI-77

Búið er að greina frá nafni skipsins sem sökk í Noregi í fjölmiðlum þar í landi. Togarinn heitir Hallgrímur SI-77 og er frá Siglufirði. Búið er að ná í alla aðstandendur mannanna sem voru um borð í togaranum. Eins og greint hefur verið frá þá hefur einum manni verið bjargað. Hann var fluttur til Álasunds og er ástand hans gott.

Rannsókn á tildrögum sjóslyssins hafin

Rannsókn á tildrögum slyssins sem varð þegar Hallgrímur SI-77 sökk út frá ströndum Noregs er hafin, hún fer fram á Íslandi og verður í höndum rannsóknarnefndar sjóslysa. Lögregla og björgunaraðilar í Noregi vinna nú við að safna gögnum og verða þau send hingað til lands. Þar er til dæmis um að ræða veðurspár undanfarna daga, skýrslur frá björgunaraðilum og lögreglu.

Fárviðri á leitarstað - þriggja manna enn leitað

Veðurskilyrði hafa versnað á svæðinu þar sem þriggja manna er nú leitað eftir að togarinn Hallgrímur SI-77 sökk í dag. Samkvæmt norska ríkisútvarpinu eru 30 metrar á sekúndu á svæðinu sem er fárviðri. Ölduhæð fer upp í fimmtán metra.

Mennirnir taldir af - leit hætt

Mannana þriggja, sem leitað var nærri Noregi eftir að togarinn Hallgrímur IS-77 sökk, eru taldir af samkvæmt norskum fjölmiðlum. Einum var bjargað á sjötta tímanum í dag. Hann er við góða heilsu.

Fundu mannlausan björgunarbát

Aftenposten í Noregi greinir frá því að leitarmenn hafi fundið mannlausan björgunarbát í kvöld. Þriggja manna er saknað eftir að skipið Hallgrímur SI-77 sökk um 270 kílómetrum frá Stad, nærri Álasundi, um klukkan hálf tvö í dag.

Ótrúlega erfiðar aðstæður við björgun sjómannsins

Norski þyrluflugmaðurinn Olver Arnes segir í viðtali við NRK að björgunaraðgerðir á Norðurhafi í gærdag hafi verið einstaklega erfiðar. Hann var á annarri björgunarþyrlunni af tveimur, sem var við leit, þegar Hallgrímur SI-77 sökk í gærdag.

Þrekvirki að lifa af fjögurra tíma vist í Noregshafi

Eiríkur Ingi Jóhannsson vann mikið þrekvirki þegar hann komst lífs af frá sjóslysinu í Noregi. Hann var í þrjá og hálfan klukkutíma í sjónum í miklum öldugangi. Skólastjóri Slysavarnarskóla sjómanna segir þjálfun íslenskra sjómanna vera ómetanlega í slíkum aðstæðum.

Mest lesið


Fleiri fréttir

Sjá meira


×

Mest lesið