Frönsk kona villtist af leið

Frönsk kona villtist af leið við Hvannagil í Lóni í dag. Björgunarsveitir frá Höfn og Djúpavogi voru kallaðar til leitarinnar sem og leitarhundateymi af Austurlandi. Konan fannst síðan klukkan hálf tíu í kvöld.

Hún var þá á göngu í Hvannagilinu og hafði villst af leið en var komin á slóðann aftur þegar hún fannst. Heilsaðist henni samkvæmt upplýsingum frá Landsbjörg.

Starfsfólk gistiheimilis hafði samband við lögreglu fyrr í kvöld og tilkynnti að konunnar væri saknað. Hún fór frá gistiheimilinu klukkan tíu í morgun en það tekur um fjórar til fimm klukkustundir að ganga þessa leið.