Kæra ógildingu framboðsins

Fimm einstaklingar hafa kært ógildingu forsetaframboðs Ástþórs Magnússonar til stjórnsýslunnar, Hæstaréttar og Umboðsmanns Alþingis.

Í kærunni segir að engar sannanir liggi fyrir um það að fjöldi undirskrifta á meðmælendalistum Ástþórs sé falsaður. Þar er spurt hvort verið sé að leggja Ástþór í einelti og talið að yfirkjörstjórnir og innanríkisráðuneytið hafi brotið á framboði hans með því að vinna ekki úr meðmælendalistum á tilskildum tíma. Hópurinn krefst þess að ógilding framboðsins verði dregin til baka. - sv