Náði 2. sæti í svifflugskeppni

Steinþór Skúlason, forstjóri Sláturfélags Suðurlands og núverandi Íslandsmeistari í svifflugi, endaði í öðru sæti á opna norska meistaramótinu í svifflugi sem haldið var í Elverum í Noregi 27. maí til 2. júní.

„Keppnisvegalengd var að jafnaði 3 til 400 kílómetrar og meðalhraði sem náðist 80 til 120 kílómetrar á klukkustund,“ segir í tilkynningu svifflugdeildar Flugmálafélags Íslands.

Steinþór tók þátt í „klúbbflokki svifflugna“, en í þeim flokki eru svifflugur með 15 metra vænghaf sem fljúga ekki með vatnshleðslu. - óká