Guðbjartur deilir áhyggjum af svartri atvinnustarfsemi

Guðbjartur Hannesson, velferðarráðherra, deilir áhyggjum vinnumálastofnunar af svartri atvinnustarfsemi. Hann tekur undir athugasemdir Vinnumálastofnunar um að efla beri eftirlit og endurskoða löggjöf og segist munu fylgja þeim tillögum eftir.

Samstarf hefur verið milli aðila vinnumarkaðarins og Vinnumálastofnunar til að taka á umræddum vanda. Það fólst meðal annars í heimsóknum í fyrirtæki. Því verður fylgt eftir áfram.

Stjórn Vinnumálastofnunar hvatti í dag til þess að löggjöf varðandi viðurlög við bótasvikum og höfnun vinnu verði endurskoðuð. Guðbjartur hefur ekki séð nákvæmar tillögur um lagaendurskoðun og getur því ekki sagt skoðun sína á þeim.