Guðfríður Lilja segir af sér

Guðfríður Lilja Grétarsdóttir, þingmaður Vinstrihreyfingarinnar- græns framboðs, lætur af þingmennsku um áramótin.

Það er bæjarfulltrúi Kópavogs, Ólafur Þór Gunnarsson sem tekur sæti hennar. Í tilkynningu frá Guðfríði kemur fram að hún hafi formlega sagt af sér þingmennsku um hádegisbilið í dag með bréfi til forseta Alþingis um leið og hún óskaði þingheimi öllum heilla á nýju ári.

Guðfríður Lilja hefur verið formaður umhverfis- og samgöngunefndar Alþingis frá haustdögum 2011 en var áður formaður þingflokks VG og formaður félags- og tryggingamálanefndar Alþingis. Hún hefur jafnframt setið í utanríkismálanefnd og allsherjar- og menntamálanefnd þingsins.