Ólafur Ragnar og Þóra hafa langmest fylgi

Ólafur Ragnar Grímsson og Þóra Arnórsdóttir mælast með langmest fylgi af forsetaframbjóðendunum sex, samkvæmt nýrri skoðanakönnun Capacent Gallup.

Þetta kom fram í kvöldfréttum Ríkisútvarpsins. Ólafur Ragnar mælist með tæplega 46 prósent fylgi og Þóra með ríflega 39 prósent fylgi. Ari Trausti mælist með rúmlega 9 prósent fylgi en aðrir frambjóðendur minna. Niðurstöðurnar eru úr netkönnun sem gerð var fyrstu vikuna í júní. 1500 voru valdir af handahófi úr Viðhorfahópi Capacent Gallup og svarhlutfall var 61 prósent.