Hjúkrunarfræðingar efna til mótmæla við Landspítalann

Aðgerðarhópur hjúkrunarfræðinga við Landsspítalann ætlar að efna til mótmæla þegar fulltrúar þeirra mæta á fund með forstjóra spítalans og velferðarráðherra í dag, en fundarstaðnum hefur verið haldið leyndum til þessa, að því er segir í tilkynningu frá hjúkrunarfræðingum.

Þeir hafa verið með lausa samninga í eitt ár og hefur ekkert þokast í samkomulagsátt, að sögn þeirra. Um það bil 130 af 12 hundruð hjúkrunarfræðingum hjá spítalanum hafa sagt upp, í mótmælaskyni, eða rösklega tíu prósent þeirra.