Þarf að grafa sig niður til þess að tengja jólaljósin

Miklum snjó hefur kyngt niður víða um land síðustu vikur og hafa íbúar Dalvíkurbyggðar ekki farið varhluta af því. Á vef Dalvíkurbyggðar kemur fram að ekki hefur komið svo mikill snjór í sveitarfélaginu í nokkur ár, og er óhætt að segja að íbúar séu að verða þreyttir á þessum ófriði í veðrinu.

Fannfergið hefur sett ýmis störf úr skorðum og hefur til dæmis þurft að beita ýmsum brögðum við að koma upp jólaskreytingum þetta árið. Hér fyrir ofan, í burðarmynd sem fylgir fréttinni, má sjá Jón Arnar garðyrkjustjóra, moka sig niður á tengingar fyrir jólaseríur.

Skafla hefur sett víða en á myndinni hér fyrir ofan má sjá mokstur af þaki Ráðhússins, skaflinn þar var orðinn svo stór að ekki þótti vogandi annað en að gera tilraun til að minnka hann.

Miðað við síðustu spár Veðurstofunnar má gera ráð fyrir að veður fari versnandi næstu daga og því líklegt að íbúar sveitarfélagsins þurfi að munda skóflurnar enn eina ferðina.