Strætókortin hækka

Frá og með 1. desember næstkomandi mun verð á kortum og afsláttarfargjöldum strætó hækka en hækkunin var samþykkt á stjórnarfundi félagsins í lok síðasta mánaðar. Eftir breytinguna munu farþegar greiða um 25 prósent af kostnaði hverrar ferðar.

Verð á afsláttarspjaldi fullorðinna breytist þannig að nú fást 9 ferðir fyrir 3000 krónur í stað 10 ferða áður. Græna kortið, sem gildir í einn mánuð, hækkar úr 7.700 krónur í 9.300 krónur. Rauða kortið, sem gildir í þrjá mánuði, hækkar úr 17.500 í 21.000 krónur og Bláa kortið, sem gildi í 9 mánuði, hækkar úr 42.500 krónum í 49.900 krónur.