Tökum á Noah lokið

Tökum á myndinni Noah lauk um helgina. Darren Aronofsky, leikstjóri myndarinnar, segir frá þessu á Twitter. Eins og margir vita var stór hluti myndarinnar tekinn upp hér á landi. Aðalleikarar myndarinnar vöktu töluverða athygli þegar þeir voru hér, einkum Russell Crowe, sem hélt meðal annars tónleika hér á Menningarnótt.

Eftir að tökum var lokið á Íslandi hélt tökuliðið til Manhattan þar sem vinnan hélt áfram. Hún dróst svolítið á langinn, meðal annars vegna vatnsflaums sem fylgdi ofsaveðrinu Sandy sem reið yfir Bandaríkin í síðasta mánuði.